江山美人
《江山美人》Kang-san Bí-jîn
黃妃N̂g Hui
——————————————
是啥物款的旅程
sī siánn-mih khuán ê lú-tîng
拄著你的天命
tú-tio̍h lí ê thian-bīng
是啥物款的眼神
sī siánn-mih khuán ê gán-sîn
予你驚為天人
hōo lí kiann uî thian-jîn
是啥物款的夢境
sī siánn-mih khuán ê bāng-kíng
聽著伊的回音
thiann-tio̍h i ê huê-im
是啥物款的痴心
sī siánn-mih khuán ê tshi-sim
拍算海誓山盟
phah-sǹg hái-sè san-bîng
自古英雄遮多情
tsū-kóo ing-hiông tsiah to-tsîng
無愛江山愛美人
bô-ài kang-san ài bí-jîn
偏偏美人願獨身
phian-phian bí-jîn guān to̍k-sin
英雄無到最後袂死心
ing-hiông bô kàu tsuè-āu buē sí-sim
是啥物款的不平
sī siánn-mih khuán ê put-pîng
予你出手相伨
hōo lí tshut-tshiú sio-thīn
是啥物款的純情
sī siánn-mih khuán ê sûn-tsîng
願意澈底犧牲
guān-ì thiat-té hi-sing
是啥物款的殘忍
sī siánn-mih khuán ê tsân-jím
無見最後一面
bô kìnn tsuè-āu tsi̍t-bīn
是啥物款的平靜
sī siánn-mih khuán ê pîng-tsīng
才來離開紅塵
tsiah lâi lī-khui âng-tîn
自古紅顏遮薄命
tsū kóo hông-gân tsiah po̍k-bīng
英雄情債為伊還
ing-hiông tsîng-tsè uī i hîng
毋驚江湖路遮深
m̄-kiann kang-ôo lōo tsiah tshim
英雄拍下江山為美人
ing-hiông phah hā kang-san uī bí-jîn
情火燒心
tsîng-hué sio sim
無暝無日
bô-mî-bô-ji̍t
情網纏身
tsîng-bāng tînn-sin
愈結愈深
jú kiat jú tshim
情敵野心
tsîng-ti̍k iá-sim
煉石成金
liān tsio̍h sîng kim
情場起湧
tsîng-tiûnn khí íng
一戰成名
it tsiàn sîng bîng
