斷腸相思
《斷腸相思》Tuān-tn̂g Siunn-si
黃妃N̂g Hui
——————————————
阮聽見
gún thiann-kìnn
孤單鳥隻夜夜啼
koo-tuann tsiáu-tsiah iā-iā thî
風微微
hong bî-bî
一陣思念的過去
tsi̍t-tsūn su-liām ê kuè-khì
心留著你名字
sim lâu tio̍h lí miâ-jī
也毋願放袂記
iā m̄-guān pàng-buē-kì
加添今夜寂寞暝
ka-thiam kim-iā tsi̍k-bo̍k mî
一粒心
tsi̍t-lia̍p sim
明知你已經離開
bîng-tsai lí í-king lī-khui
一段情
tsi̍t-tuānn tsîng
等待已遙遙無期
tán-thāi í iâu-iâu bô-kî
你像冷淡的流星
lí tshiūnn líng-tām ê liû-tshinn
消失暗淡的天邊
siau-sit àm-tām ê thinn-pinn
無風無雨的日子
bô hong bô hōo ê ji̍t-tsí
不時你予阮閣想起
put-sî lí hōo gún koh siūnn-khí
失去的失去
sit-khì ê sit-khì
為怎樣阮放袂落心
uī-tsuánn-iūnn gún pàng buē lo̍h-sim
偏偏想你
phian-phian siūnn lí
予阮斷腸的相思
hōo gún tuān-tn̂g ê siunn-si
你的形影
lí ê hîng-iánn
踮阮的心內散袂開
tiàm gún ê sim-lāi suànn buē khui
愛你情深
ài lí tsîng tshim
刻你踮阮的天
khik lí tiàm gún ê thinn
過去啊過去
kuè-khì–ah kuè-khì
為怎樣為你袂落眠
uī-tsuánn-iūnn uī lí buē lo̍h-bîn
心疼袂停
sim thiànn buē thîng
夜夜煎熬到深更
iā-iā tsian-ngâu kàu tshim-kinn
感情的路
kám-tsîng ê lōo
你予阮愛你遮爾深
lí hōo gún ài lí tsiah-nī tshim
斷腸相思
tuān-tn̂g siunn-si
奈何阮痴情愛著你
nāi-hô gún tshi-tsîng ài-tio̍h lí
