挽花
《挽花》Bán Hue
黃妃N̂g Hui
——————————————
風吹草搖動
hong tshue tsháu iô-tāng
春雨淋花欉
tshun-hōo lâm hue-tsâng
含蕊哺枝待君挽
hâm-luí pōo-ki thāi kun bán
胭脂一點紅
ian-tsi tsi̍t-tiám âng
等待有情人
tán-thāi ū-tsîng-lâng
溫柔男女將情送
un-jiû lâm-lú tsiong tsîng sàng
望你惜花連分欉
bāng lí sioh hua liân hun-tsâng
毋通將阮來戲弄
m̄-thang tsiong gún lâi hì-lāng
好花堪折得需折
hó-hua kham tsik tit su tsik
莫待無花空折枝
bo̍k thāi bû hua khong tsik ki
花開滿山紅
hue khui muá-suann âng
春風又吹送
tshun-hong iū tshue-sàng
暖暖情意入心房
luán-luán tsîng-ì ji̍p sim-pâng
望你惜花欉
bāng lí sioh hue-tsâng
毋通胡亂挽
m̄-thang ôo-luān bán
毋通辜負青春夢
m̄-thang koo-hū tshing-tshun-bāng
