愛的誓言
《愛的誓言》Ài ê Sè-giân
黃妃N̂g Hui
——————————————
做陣已經幾若冬
tsuè-tīn í-king kuí-lō tang
一切感情為你放
it-tshè kám-tsîng uī lí pàng
毋管你有啥困難
m̄-kuán lí ū siánn khùn-lân
對你的信心無搖動
tuì lí ê sìn-sim bô iô-tāng
將阮一生最大的願望
tsiong gún it-sing tsuè tuā ê guān-bāng
全部來寄託心愛你一人
tsuân-pōo lâi kià-thok sim-ài lí tsi̍t-lâng
堅持著當初的誓言
kian-tshî tio̍h tong-tshoo ê sè-giân
因為你是我所愛的人
in-uī lí sī guá sóo ài ê lâng
日來思戀夜來夢
ji̍t–lâi su-luân iā–lâi bāng
較夢較想你一人
khah bāng khah siūnn lí tsi̍t-lâng
愛你愈深情愈重
ài lí jú tshim tsîng jú tāng
毋通來誤阮的青春夢
m̄-thang lâi gōo gún ê tshing-tshun-bāng
將阮一生最大的願望
tsiong gún it-sing tsuè tuā ê guān-bāng
全部來寄託心愛你一人
tsuân-pōo lâi kià-thok sim-ài lí tsi̍t-lâng
堅持著當初的誓言
kian-tshî tio̍h tong-tshoo ê sè-giân
因為你是我所愛的人
in-uī lí sī guá sóo ài ê lâng
