只要有你
《只要有你》Tsí-iàu Ū Lí
黃妃N̂g Hui
——————————————
你對我的甜言蜜語
lí tuì guá ê tinn-giân-bi̍t-gí
是真抑是假
sī tsin ia̍h-sī ké
對我來講
tuì guá lâi kóng
這嘛毋是啥物大問題
tse mā m̄-sī siánn-mih tuā būn-tê
只要愛我愛甲澈底
tsí-iàu ài guá ài kah thiat-té
你就會體會
lí tiō ē thé-huē
怎會按呢
tsuánn ē án-ne
每日等著你的情批
muí-ji̍t tán tio̍h lí ê tsîng-phue
為我寫一个愛情故事
uī guá siá tsi̍t-ê ài-tsîng kòo-sū
對我講情話
tuì guá kóng tsîng-uē
我就會愛你閣較濟
guá tiō ē ài lí koh-khah tsē
期待一日
kî-thāi tsi̍t-ji̍t
你會準備送我玫瑰花
lí ē tsún-pī sàng guá muî-kuì-hue
閣一跤璇石手指
koh tsi̍t-kha suān-tsio̍h tshiú-tsí
Say I Love You Oh My Babe
是啥人的問題
sī siánn-lâng ê būn-tê
莫計較遐爾濟
mài kè-kàu hiah-nī tsē
你想看覓
lí siūnn khuànn-māi
驕傲的公主
kiau-ngōo ê kong-tsú
敢會乖乖聽話
kám ē kuai-kuai thiann-uē
只要你是真心愛我
tsí-iàu lí sī tsin-sim ài guá
日子欲同齊過
ji̍t-tsí beh tâng-tsê kuè
我就會相信
guá tiō ē siong-sìn
阮的一生愛你來陪
gún ê it-sing ài lí lâi puê
—
只要你愛我
tsí-iàu lí ài guá
艱苦嘛毋驚
kan-khóo mā m̄-kiann
我欲牽著你的雙手
guá beh khan tio̍h lí ê siang-tshiú
做陣同齊行
tsuè-tīn tâng-tsê kiânn
只要雙人仝心仝命
tsí-iàu siang-lâng kāng-sim kāng miā
毋管風雨偌大
m̄-kuán hong-hōo guā tuā
這馬的我
tsit-má ê guá
你敢知影
lí kám tsai-iánn
一切是為著你啦
it-tshè sī uī-tio̍h lí–lah
