何日君再來
《何日君再來》Hô Ji̍t Kun Tsài Lâi
黃妃 N̂g Hui
——————————————
朱脣粉面畫目眉
tsu tûn hún bīn uē ba̍k-bâi
憂愁梳妝台
iu-tshiû se-tsng-tâi
昨夜思君君無來
tsa-iā su kun kun bô lâi
小樓空等待
sió lâu khang tán-thāi
珠簾半掩伴花開
tsu-liâm puànn am phuānn hua khai
紅顏淚滿腮
hông-gân luī buán sai
嬌滴花蕊相思栽
kiau-tih hue-luí siunn-si tsai
何日君再來
hô ji̍t kun tsài lâi
任世間冷暖
jīm sè-kan líng-luán
啊~ 悲歡歲月
ah~ pi-huan suè-gua̍t
怨無情
uàn bô-tsîng
紅塵一場無奈
hông-tîn tsi̍t tiûnn bô-nāi
嘆世間花蕊
thàn sè-kan hue-luí
啊~ 曇花一現
ah~ tham-hua it-hiān
纏綿情話化做春泥塵埋
tînn-mî tsîng-uē huà tsuè tshun-nî tîn bâi
朱脣粉面畫目眉
tsu tûn hún bīn uē ba̍k-bâi
憂愁梳妝台
iu-tshiû se-tsng-tâi
嬌滴花蕊相思栽
kiau-tih hue-luí siunn-si tsai
何日君再來
hô ji̍t kun tsài lâi
