九彎十八斡
《九彎十八斡》Káu-uan Tsa̍p-pe̍h-uat
黃妃 N̂g Hui
——————————————
雄雄風雨遮爾大
hiông-hiông hong-hōo tsiah-nī tuā
沃澹身軀才知寒
ak tâm sin-khu tsiah tsai kuânn
別人情路遐爾仔好行
pa̍t-lâng tsîng-lōo hiah-nī-á hó kiânn
阮是愛你愛甲心驚驚
gún sī ài lí ài kah sim kiann-kiann
雄雄飛來一粒沙
hiông-hiông pue lâi tsi̍t-lia̍p sua
坱著目睭才知疼
ing tio̍h ba̍k-tsiu tsiah tsai thiànn
你是阮的親愛阿娜答
lí sī gún ê tshin-ài a-ná-tah
竟然掠袂牢你的心肝
kìng-jiân lia̍h buē tiâu lí ê sim-kuann
彎啊彎
uan–ah uan
連紲九个彎
liân-suà káu ê uan
斡啊斡
uat–ah uat
攏總十八斡
lóng-tsóng tsa̍p-pueh uat
踅過山
se̍h kuè suann
過嶺
peh kuè niá
最後才有美麗的海岸
tsuè-āu tsiah ū bí-lē ê hái-huānn
夢啊夢
bāng–ah bāng
夢著你形影
bāng tio̍h lí hîng-iánn
等啊等
tán–ah tán
等無跤步聲
tán bô kha-pōo siann
我毋驚
guá m̄-kiann
我毋驚
guá m̄-kiann
你何時才會轉來阮的性命
lí hô-sî tsiah ē tńg-lâi gún ê sìnn-miā
