雪花
《雪花》Suat-hua
黃思婷N̂g Su-tîng
——————————————
思念著你的形影
su-liām tio̍h lí ê hîng-iánn
滿天飄來雪花
muá-thinn phiau lâi suat-hua
親像你踮身邊輕輕依倚
tshin-tshiūnn lí tiàm sin-pinn khin-khin i-uá
牽阮的手做陣行
khan gún ê tshiú tsuè-tīn kiânn
等待你摸阮心肝
tán-thāi lí bong gún sim-kuann
講出彼時的約定
kóng tshut hit-sî ê iok-tiānn
講你愛阮惜阮
kóng lí ài gún sioh gún
無論天地有偌遠有偌闊
bô-lūn thinn-tē ū guā hn̄g ū guā khuah
春去秋來
tshun khì tshiu lâi
心內有牽掛
sim-lāi ū khian-kuà
月娘伊嘛知影
gue̍h-niû i mā tsai-iánn
猶原會記當初你笑聲
iu-guân ē-kì tong-tshoo lí tshiò-siann
等你轉來看我
tán lí tńg-lâi khuànn guá
秋去冬來
tshiu khì tang lâi
心內的思念
sim-lāi ê su-liām
寫予滿天雪花
siá hōo muá-thinn suat-hua
等待風信子傳予我
tán-thāi hong-sìn-tsú thuân hōo guá
講愛你的心你知影
kóng ài lí ê sim lí tsai-iánn
