若無愛你欲愛誰
《若無愛你欲愛誰》Nā Bô Ài Lí Beh Ài Siâng
黃妃 N̂g Hui
——————————
會記得阮講過想欲愛你一世人
ē-kì-tit gún kóng–kuè siūnn-beh ài lí tsi̍t-sì-lâng
因為阮毋是初初接觸愛情的人
in-uī gún m̄-sī tshoo-tshoo tsiap-tshiok ài-tsîng ê lâng
阮的心為你茫你佮別人無仝款
gún ê sim uī lí bâng, lí kah pa̍t-lâng bô kāng-khuán
你敢有愛阮親像阮愛你遮重
lí kám ū ài gún, tshin-tshiūnn gún ài lí tsiah tāng
若無愛你欲愛誰敢閣有別人
nā bô ài lí, beh ài siâng, kám koh ū pa̍t-lâng
一生一世心甘願
it-sing-it-sè sim kam-guān
若是無你世間有啥袂當放
nā-sī bô lí, sè-kan ū siánn bē-tàng pàng
除了愛你無別人
tû-liáu ài lí bô pa̍t-lâng
若無愛你欲愛誰到老攏仝款
nā bô ài lí beh ài siâng, kàu lāu lóng kāng-khuán
用心用情來相送
iōng sim iōng tsîng lâi sio-sàng
風風雨雨只要有你一个人
hong-hong-ú-ú tsí-iàu ū lí tsi̍t-ê lâng
閣較艱苦阮也心甘情願
koh-khah kan-khóo gún iā sim-kam-tsîng-guān
