味
《味》Bī
黃妃 N̂g Hui
———————–
敢有? 你講你愛甲強欲死
kám ū? lí kóng lí ài-kah kiōng-beh sí
敢有? 你按怎解說身軀的芳味
kám ū? lí án-tsuánn kái-sueh sin-khu ê phang-bī
你的心若親像毋但藏著一个伊
lí ê sim ná-tshin-tshiūnn m̄-nā tshàng-tio̍h tsi̍t-ê i
到底你這馬的身上有偌濟味
tàu-té lí tsit-má ê sin-siōng ū guā-tsuē bī
(refrain)
若不時鼻著思念的味
nā put-sî phīnn-tio̍h su-liām ê bī
抑是溫柔的味
ia̍h-sī un-jiû ê bī
彼是面紅的愛情芳
he sī bīn âng ê ài-tsîng phang
若目一下?懷念的味
nā ba̍k tsi̍t-ē nih huâi-liām ê bī
摻著悲傷的味
tsham-tio̍h pi-siong ê bī
敢是昨暝的一場夢
kám-sī tsa-mî ê tsi̍t-tiûnn bāng
你毋捌予我幸福的味
lí m̄-bat hōo guá hīng-hok ê bī
抑是倚靠的味
ia̍h-sī uá-khò ê bī
總是翻身的枕頭空
tsóng–sī huan-sin ê tsím-thâu khang
你愛我若是齷齪的味
lí ài guá nā-sī ak-tsak ê bī
摻著怨嘆的味
tsham-tio̍h uàn-thàn ê bī
麻煩你著莫入花欉
mâ-huân lí tio̍h mài ji̍p hue-tsâng
(refrain)
敢無糖甘蜜甜的彼當時
kám bô thn̂g-kam-bi̍t-tinn ê hit-tong-sî
敢無這馬的冷冷清清空房間
kám bô tsit-má ê líng-líng-tshing-tshing khang pâng-king
彼个人 捌予我美夢的人 敢是你
hit-ê lâng, bat hōo guá bí-bāng ê lâng, kám-sī lí
如今鏡已經碎掖掖 敢猶會圓
jû-kim kiànn í-king tshuì-iā-iā, kám iáu ē înn
