老曲盤
《老曲盤》Lāu Khik-puânn
曾心梅Tsan Sim-muî
——————————————
昔日的海岸
sik-ji̍t ê hái-huānn
日落黃昏的彩霞
ji̍t-lo̍h hông-hun ê tshái-hâ
只賰孤單影
tsí tshun koo-tuann iánn
望穿海邊的燈塔
bāng-tshuan hái-pinn ê ting-thah
昔日的戀歌
sik-ji̍t ê luân-kua
如今無人做陣聽
jû-kim bô-lâng tsuè-tīn thiann
啊~山盟佮海誓
ah~ san-bîng kah hái-sè
是咱一生的約定
sī lán it-sing ê iok-tiānn
昨暝的咒誓
tsa-mî ê tsiù-tsuā
請你毋通來變卦
tshiánn lí m̄-thang lâi piàn-kuà
夜夜等愛的人
iā-iā tán ài ê lâng
綿綿情火拍袂化
mî-mî tsîng hué-phah buē hua
昔日的戀歌
sik-ji̍t ê luân-kua
如今無人做陣聽
jû-kim bô-lâng tsuè-tīn thiann
啥人來安慰阮
siánn-lâng lâi an-uì gún
寂寞的心情
tsi̍k-bo̍k ê sim-tsiânn
聽老曲盤
thiann lāu khik-puânn
懷念著你咱的形影
huâi-liām tio̍h lí lán ê hîng-iánn
牽阮的手
khan gún ê tshiú
無論情路有偌歹行
bô-lūn tsîng-lōo ū guā pháinn kiânn
等年久月深
tán nî-kú-gue̍h-tshim
你敢會閣再遐爾愛我
lí kám ē koh-tsài hiah-nī ài guá
親像咱愛聽的彼條歌
tshin-tshiūnn lán ài thiann ê hit tiâu kua
將伊當做若性命
tsiong i tòng-tsuè ná sìnn-miā
—
啊~~聽老曲盤
ah~~ thiann lāu khik-puânn
昔日的難分又難捨
sik-ji̍t ê lân-hun iū lân-siá
牽阮的手
khan gún ê tshiú
食甲年老永遠攏做伴
tsia̍h kah nî-lāu íng-uán lóng tsuè-phuānn
若花謝落塗
nā hue siā lo̍h thôo
你敢會閣再遐爾愛我
lí kám ē koh-tsài hiah-nī ài guá
親像咱愛聽的彼條歌
tshin-tshiūnn lán ài thiann ê hit tiâu kua
將伊當做若性命
tsiong i tòng-tsuè ná sìnn-miā
