等我回航
《等我回航》Tán Guá Huê-hâng
傅振輝Pòo Tsín-hui
——————————————
轉眼一年又逢冬
tsuán-gán tsi̍t-nî iū hông tang
最最掛念猶是你一人
tsuè-tsuè kuà-liām iáu sī lí tsi̍t-lâng
春來秋去人虛空
tshun lâi tshiu khì lâng hi-khang
重逢的夢
tiông-hông ê bāng
總是露水重
tsóng-sī lōo-tsuí tāng
受盡繁華的冷淡
siū-tsīn huân-huâ ê líng-tām
霜冷的風
sng-líng ê hong
不時吹入窗
put-sî tshue ji̍p thang
身在他鄉我一人
sin tsāi thann-hiong guá tsi̍t-lâng
對你猶原思思念念
tuì lí iu-guân su-su-liām-liām
望成功轉去西仔灣
bōng sîng-kong tńg-khì Se-á-uân
將心愛的你攬絚絚
tsiong sim-ài–ê lí lám ân-ân
寄託秋風替阮傳送
kià-thok tshiu-hong thè gún thuân-sàng
心愛的人等我回航
sim-ài ê lâng tán guá huê-hâng
