畫妝
《畫妝》Uē-tsong
曾瑋中Tsan Uí-tiong
——————————————-
吹過你頭鬃的風
tshue kuè lí thâu-tsang ê hong
親像咧笑你戇
tshin-tshiūnn teh tshiò lí gōng
自伊離開後
tsū i lī-khui āu
你像無岸的浪
lí tshiūnn bô huānn ê lōng
心事想欲講
sim-sū siūnn-beh kóng
欲講嘛揣無聽眾
beh kóng mā tshuē-bô thiann-tsiòng
為愛受盡風霜
uī ài siū-tsīn hong-song
為伊忍受苦衷
uī i jím-siū khóo-thiong
手中彼條胭脂
tshiú-tiong hit tiâu ian-tsi
畫袂出真心的笑容
uē buē tshut tsin-sim ê tshiò-iông
心事想欲講
sim-sū siūnn-beh kóng
閣講嘛無路用
koh kóng mā bô-lōo-iōng
啊~你為誰畫妝
ah~ lí uī siáng uē-tsong
啊~你為誰堅強
ah~ lí uī siáng kian-kiông
失望
sit-bōng
雖然失望
sui-jiân sit-bōng
最後猶是選擇原諒
tsuè-āu iáu-sī suán-ti̍k guân-liōng
啊~你為誰畫妝
ah~ lí uī siáng uē-tsong
啊~你為誰堅強
ah~ lí uī siáng kian-kiông
進無步退也無路
tsìn bô-pōo thè iā bô-lōo
嘛揣無人參詳
mā tshuē bô-lâng tsham-siông
—
進無步退也無路
tsìn bô-pōo thè iā bô-lōo
心綴著寂寞失蹤
sim tuè tio̍h tsi̍k-bo̍k sit-tsong
