無名英雄
《無名英雄》Bô-miâ Ing-hiông
曾瑋中Tsan Uí-tiong
——————————————
得意洋洋
tik-ì iông-iông
性命像太陽
sìnn-miā tshiūnn thài-iông
燦爛笑容
tshàn-lān tshiò-iông
行路嘛有風
kiânn-lōo mā ū hong
失落像迷宮
sit-lo̍h tshiūnn bê-kiong
前途又茫茫
tsiân-tôo iū bông-bông
何去何從
hô-khì hô-tsiông
路欲行往何方
lōo beh kiânn óng hô-hong
啊~人生起落像波浪
ah~ jîn-sing khí-lo̍h tshiūnn pho-lōng
輝煌過去莫閣講
hui-hông kuè-khì mài koh kóng
怨天怨地啥路用
uàn thinn uàn tē siánn lōo-iōng
小卒嘛會立大功
sió-tsut mā ē li̍p tāi-kong
啊~幸福掌握咱的手中
ah~ hīng-hok tsiáng-ak lán ê tshiú-tiong
毋驚困難閣再衝
m̄-kiann khùn-lân koh-tsài tshiong
勝者為王
sìng–tsiá uî ông
人生無常
jîn-sing bû-siông
猶原是一个
iu-guân sī tsi̍t-ê
無名英雄
bô-miâ ing-hiông
