愛的摩卡
《愛的摩卡》Ài ê Môo-khá
黃文星 N̂g Bûn-sing
——————————————
燒燒燙燙的咖啡
sio-sio-thǹg-thǹg ê ka-pi
感情一點一滴
kám-tsîng tsi̍t-tiám tsi̍t-tih
有愛你的純情味
ū ài lí ê sûn-tsîng bī
溫暖心頭
un-luán sim-thâu
敢是摩卡的芳甜味
kám-sī môo-khá ê phang-tinn bī
羅曼蒂克的Tempo
lô-bān-tì-khik ê Tempo
未來幸福一步一步
bī-lâi hīng-hok tsi̍t-pōo-tsi̍t-pōo
輕鬆的跤步
khin-sang ê kha-pōo
堅定信心
kian-tīng sìn-sim
欲永遠做你的派大星
beh íng-uán tsuè lí ê Phài-tuā-sing
巧克力摻咖啡
qiǎokèlì tsham ka-pi
咱用心去調合
lán iōng sim khì tiâu-ha̍p
我的深情換你的貼心
guá ê tshim-tsîng uānn lí ê tah-sim
咱的愛親像摩卡
lán ê ài tshin-tshiūnn môo-khá
為你泡的
uī lí phàu–ê
摩卡摩卡
môo-khá môo-khá
我的每一工
guá ê muí tsi̍t-kang
有你來做伴
ū lí lâi tsuè-phuānn
咱的愛親像咖啡仝款
lán ê ài tshin-tshiūnn ka-pi kāng-khuán
甘甜苦澀仝相倚
kam-tinn khóo-siap kāng sio-uá
感情攏袂煞
kám-tsîng lóng bē suah
摩卡摩卡
môo-khá môo-khá
喔用我的全部
ooh iōng guá ê tsuân-pōo
調出幸福快樂的滋味
tiâu tshut hīng-hok khuài-lo̍k ê tsu-bī
有你就圓滿
ū lí tiō uân-buán
未來你我仝心仝意來創造
bī-lâi lí guá kāng-sim kāng-ì lâi tshòng-tsō
美麗的感動
bí-lē ê kám-tōng
—
愛情的甘甜苦澀算啥物
ài-tsîng ê kam-tinn khóo-siap sǹg siánn-mih
毋管風雨偌大
m̄-kuán hong-ū guā tuā
珍惜有你的心
tin-sioh ū lí ê sim
永遠毋願分開
íng-uán m̄-guān hun-khui
陪伴你的身邊
puê-phuānn lí ê sin-pinn
咱用心守護咱的未來
lán iōng sim siú-hōo lán ê bī-lâi
牽手一世人
khan-tshiú tsi̍t-sì-lâng
