愛已經忝
《愛已經忝》Ài Í-king Thiám
曾心梅Tsan Sim-muî
——————————————
天愛著海
thinn ài tio̍h hái
受空氣來阻礙
siū khong-khì lâi tsóo-gāi
天頂的目屎
thinn-tíng ê ba̍k-sái
滴成河才揣著海
tih sîng-hô tsiah tshuē tio̍h hái
望天你會知
bāng thinn lí ē tsai
痴心等無真情愛
tshi-sim tán bô tsin tsîng-ài
怎樣對阮
tsuánn-iūnn tuì gún
全然攏無交代
tsuân-jiân lóng bô kau-tài
問天為何遮爾藍
mn̄g thinn uī-hô tsiah-nī nâ
海水哪會遮爾寒
hái-tsuí ná-ē tsian-nī kuânn
日牽掛
ji̍t khian-kuà
夜孤單
iā koo-tuann
女人的命
lú-jîn ê miā
恨天遮爾懸
hūn thinn tsiah-nī kuân
愛你比登天較困難
ài lí pí ting-thian khah khùn-lân
看你變甲遮疏遠
khuànn lí piàn kah tsiah soo-uán
愛阮的眼神變冷淡
ài gún ê gán-sîn piàn líng-tām
恨天遮遙遠
hūn thinn tsiah iâu-uán
愛你的心肝已經忝
ài lí ê sim-kuann í-king thiám
從今不再
tsiông-kim put-tsài
為情為愛來操煩
uī tsîng uī ài lâi tshau-huân
因為你不再是
in-uī lí put-tsài sī
阮溫暖的胸坎
gún un-luán ê hing-khám
