愈行愈勇
《愈行愈勇》Jú Kiânn Jú Ióng
黃文星 N̂g Bûn-sing
—————————————————
黃昏的路
hông-hun ê lōo
暮色咧照
bōo-sik teh tsiò
閃爍的燈
siám-sih ê ting
彩色的暝
tshái-sik ê mî
偌濟人為生活
guā-tsē lâng uī sing-ua̍h
無暝咧走傱
bô mî teh tsáu-tsông
.
頭前有路
thâu-tsîng ū lōo
看無前途
khuànn-bô tsiân-tôo
有啥人來體諒
ū siánn-lâng lâi thé-liōng
追求夢想
tui-kiû bāng-sióng
受盡風霜的起落
siū tsīn hong-song ê khí-lo̍h
.
毋免閣再失志
m̄-bián koh-tsài sit-tsì
想欲越頭看
siūnn-beh ua̍t-thâu khuànn
過去放予袂記
kuè-khì pàng hōo buē-kì
這馬著開始
tsit-má tio̍h khai-sí
目屎含著志氣
ba̍k-sái kâm tio̍h tsì-khì
氣魄跋感情
khì-phik pua̍h-kám-tsîng
嘛是會照著
mā sī ē tsiò-tio̍h
一條光明的路
tsi̍t tiâu kong-bîng ê lōo
.
路欲愈行愈勇
lōo beh jú kiânn jú ióng
行出家己的路
kiânn tshut ka-kī ê lōo
行出精彩的跤步
kiânn tshut tsing-tshái ê kha-pōo
.
這擺我欲愈行愈勇
tsit-pái guá beh jú kiânn jú ióng
用我的勇氣
iōng guá ê ióng-khì
行出前途
kiânn tshut tsiân-tôo
光明方向的出路
kong-bîng hong-hiòng ê tshut-lōo
