好酒好兄弟
《好酒好兄弟》Hó Tsiú Hó Hiann-tī
黃文星 N̂g Bûn-sing
——————————————–
人生海海
jîn-sing hái-hái
心情啥人知
sim-tsîng siánn-lâng tsai
愛情哪會無傷害
ài-tsîng ná ē bô siong-hāi
一个人闖蕩
tsi̍t-ê lâng tshuàn-tōng
無情的世界
bô-tsîng ê sè-kài
就算艱苦
tiō sǹg kan-khóo
嘛會忍著目屎
mā ē jím tio̍h ba̍k-sái
有緣這世人
ū-iân tsit-sì-lâng
會佮你熟似
ē kah lí si̍k-sāi
你上了解阮的心內
lí siōng liáu-kái gún ê sim-lāi
無苦過哪會知
bô khóo–kuè ná ē tsai
寂寞的悲哀
tsi̍k-bo̍k ê pi-ai
佳哉嘛有你來
ka-tsài mā ū lí lâi
聽阮感慨
thiann gún kám-khài
好酒咱來啉落去
hó-tsiú lán lâi lim–lo̍h-khì
兄弟毋驚好天歹天
hiann-tī m̄-kiann hó-thinn pháinn-thinn
路途再崎嶇
lōo-tôo tsài khi-khu
攏會衝過去
lóng ē tshiong–kuè-khì
好酒咱來啉落去
hó-tsiú lán lâi lim–lo̍h-khì
兄弟無計較我佮你
hiann-tī bô kè-kàu guá kah lí
認真拍拚
jīn-tsin phah-piànn
攏會有出頭天
lóng ē ū tshut-thâu-thinn
好在今夜有好酒有好兄弟
hó tsāi kim-iā ū hó-tsiú ū hó-hiann-tī
(這杯來啉落去)
(tsit pue lâi lim–lo̍h-khì )
