出海
https://v.qq.com/x/page/m0017w65bsu.html
《出海》Tshut-hái
傅振輝Pòo Tsín-hui
——————————————
用性命去跋啦
iōng sìnn-miā khì pua̍h–lah
船頂生活
tsûn-tíng sing-ua̍h
管伊風湧摒偌大
kuán i hong-íng piànn guā tuā
離港岸船開啦
lī káng-huānn tsûn khui–lah
海洋生活
hái-iûnn sing-ua̍h
賭著勇氣向前行
tóo tio̍h ióng-khì hiòng-tsiân kiânn
骨力的討海兄弟
kut-la̍t ê thó-hái hiann-tī
日頭炎熱規身重汗
ji̍t-thâu iām-jua̍h kui-sin tāng-kuānn
航向大海去奮鬥
hâng hiòng tuā-hái khì hùn-tàu
看天食穿攏佇遮
khuànn thinn tsia̍h-tshīng lóng tī tsia
破紀錄由我來寫
phuà kì-lo̍k iû guá lâi siá
毋驚風透拚輸贏
m̄-kiann hong thàu piànn-su-iânn
向著大海去挑戰
hiòng tio̍h tuā-hái khì thiau-tsiàn
討海掠魚我上大
thó-hái lia̍h-hî guá siōng tuā
Ióo-siooh Ióo-siooh
向著大海來唱聲
hiòng tio̍h tuā-hái lâi tshiàng-siann
Ióo-siooh Ióo-siooh
觀音媽祖保庇我
Kuan-im Má-tsóo pó-pì guá
順風啊
sūn-hong–ah
滿載啊
buán-tsài–ah
大船入港滿載啊
tuā-tsûn ji̍p káng buán-tsài–ah
