食到遮濟歲
《食到遮濟歲》Tsia̍h Kàu Tsiah Tsē Huē
黃士祐N̂g Sū-iū
——————————————
食到遮濟歲
tsia̍h kàu tsiah tsuē huè
遮濟歲
tsiah tsuē huè
對愛的免疫力
tuì ài ê bián-ik-li̍k
敢有添較濟
kám ū thinn khah tsuē
鬥陣無簡單
tàu-tīn bô kán-tan
較贏孤單一个
khah-iânn koo-tuann tsi̍t-ê
心猶原偷偷仔咧開花
sim iû-guân thau-thau-á teh khui-hue
食到遮濟歲
tsia̍h kah tsiah tsuē huè
遮濟歲
tsiah tsuē huè
對愛情的向望
tuì ài-tsîng ê ǹg-bāng
猶原賰遮濟
iû-guân tshun tsiah tsuē
有愛顛倒夯枷
ū ài tian-tó giâ-kê
啊~違背良心的話
ah~ uî-puē liông-sim ê uē
面子啊是價值偌濟
bīn-tsú–ah sī kè-ta̍t guā tsuē
食到遮濟歲
tsia̍h kah tsiah tsuē huè
悲歡離合看誠濟
pi-huan lî-ha̍p khuànn tsiânn tsuē
有愛過恨過
ū ài–kuè hūn–kuè
較贏一生留空白
khah-iânn it-sing lâu khàng-pe̍h
我講月老伯仔
guá kóng Gua̍t-nóo-peh–á
你嘛小共阮鼓勵一下
lí mā sió kā gún kóo-lē tsi̍t-ē
毋通總是愛笑
m̄-thang tsóng-sī ài-tshiò
愛笑愛笑
ài-tshiò ài-tshiò
予阮跋無桮
hōo gún pua̍h bô pue
食到遮濟歲
tsia̍h kah tsiah tsuē huè
遮濟歲
tsiah tsuē huè
家己上知影
ka-kī siōng tsai-iánn
人生猶欠啥貨
jîn-sing iáu khiàm siánn-huè
向望有人來陪
ǹg-bāng ū-lâng lâi puê
一路有人牽做伙
tsi̍t-lōo ū-lâng khan tsò-huè
有人通來做伴
ū-lang thang lâi tsuè-phuānn
毋知有偌好咧
m̄-tsai ū guā hó–leh
—
食老有伴來觸喙鼓
tsia̍h-lāu ū phuānn lâi tak-tshuì-kóo
毋知有偌好咧
m̄-tai ū guā hó–leh
