純純的男子漢
《純純的男子漢》Sûn-sûn ê Lâm-tsú-hàn
黃立綱N̂g Li̍p-kong
——————————————
男兒立志出鄉關
lâm-jî li̍p-tsì tshut hiong-kuan
事若不成誓不還
sū jio̍k put sîng sè put huân
千山萬水路長遠
tshian-san bān-suí lōo tiông-uán
穿風破浪不怕難
tshuan-hong phò-lōng put-phà lân
也就是純純的男子漢
iā tsiū-sī sûn-sûn ê lâm-tsú-hàn
也就是純純的男子漢
iā tsiū-sī sûn-sûn ê lâm-tsú-hàn
美麗光景袂想玩
bí-lē kong-kíng buē siūnn uán
嬌姿豔色無心戀
kiau-tsu iām-sik bô-sim luân
榮華富貴袂去選
îng hua hù-kuì bē khì suán
光明磊落第一願
kong-bîng luí-lo̍h tē-it guān
也就是純純的男子漢
iā tsiū-sī sûn-sûn ê lâm-tsú-hàn
也就是純純的男子漢
iā tsiū-sī sûn-sûn ê lâm-tsú-hàn
孤身隻影咧流浪
koo-sin tsiah-iánn teh liû-lōng
人海茫茫情冷暖
jîn-hái bâng-bâng tsîng líng-luán
炎涼世態多變款
iām-liâng sè-thài to piàn-khuán
迫得強人情緒亂
pik tik kiông-jîn tsîng-sū luān
男子漢
lâm-tsú-hàn
自古英雄多寂寞
tsū-kóo ing-hiông to tsi̍k-bo̍k
欲揣知音難上難
beh tshuē ti-im lân siōng lân
君子委屈只忍耐
kun-tsú uí-khut tsí jím-nāi
千辛萬苦免怨嘆
tshian-sin-bān-khóo bián uàn-thàn
也就是純純的男子漢
iā tsiū-sī sûn-sûn ê lâm-tsú-hàn
也就是純純的男子漢
iā tsiū-sī sûn-sûn ê lâm-tsú-hàn
男兒立志出鄉關
lâm-jî li̍p-tsì tshut hiong-kuan
事若不成誓不還
sū jio̍k put sîng sè put huân
