答應我
《答應我》Tah-ìng Guá
黃士祐N̂g Sū-iū
——————————————
勾指頭仔答應我
kau tsńg-thâu-á tah-ìng guá
明仔載著共目屎拭予焦
bîn-á-tsài tio̍h kā ba̍k-sái tshit hōo ta
雖然你看無我形影
sui-jiân lí khuànn-bô guá hîng-iánn
我猶原守護踮你身邊啊
guá iû-guân siú-hōo tiàm lí sin-pinn–ah
我是風吹落來的桜
guá sī hong tshue–lo̍h-lâi ê sa-kú-lah
歇踮肩頭輕輕共你疼
hioh tiàm king-thâu khin-khin kā lí thiànn
惜惜啦
sioh-sioh–lah
我是雨過了後的彩霞
guá sī hōo kuè liáu-āu ê tshái-hâ
出來鼓勵
tshut-lâi kóo-lē
你著快樂起來啊
lí tio̍h khuài-lo̍k–khí-lâi ah
人生啊
jîn-sing–ah
有緣佮你牽相扞
ū-iân kah lí khan sio-huānn
才會當知影
tsiah ē-tàng tsai-iánn
啥物是幸福啊
siánn-mih sī hīng-hok–ah
抱著一生記持的酸鹹汫
phō tio̍h it-sing kì-tî ê sng-kiâm-tsiánn
上甜的是佮你的這段
siong tinn–ê sī kah lí ê tsit tuānn
人生啊
jîn-sing–ah
時間早就天註定
sî-kan tsá tiō thinn tsù-tiānn
請原諒我
tshiánn guân-liōng guá
著愛代先起行
tio̍h-ài tāi-sing khí-kiânn
好好仔疼惜家己
hó-hó-á thiànn-sioh ka-kī
就是疼惜我
tiō-sī thiànn-sioh guá
毋通閣傷心
m̄-thang koh siong-sim
答應我
tah-ìng guá
勾指頭仔答應我
kau tsńg-thâu-á tah-ìng guá
明仔載著共目屎拭予焦
bîn-á-tsài tio̍h kā ba̍k-sái tshit hōo ta
雖然你看無我形影
sui-jiân lí khuànn-bô guá hîng-iánn
我不時守護踮你身邊啊
guá put-sî siú-hōo tiàm lí sin-pinn–ah
我是雲無?來的鳥隻
guá sī hûn bô tshuā lâi ê tsiáu-tsiah
歇踮窗邊為你來唱歌
hioh tiàm thang-pinn uī lí lâi tshiùnn-kua
起床啦
khí-tshn̂g–lah
我是浮踮天河的璇石仔
guá sī phû tiàm thian-hô ê suān-tsio̍h-á
隨在你撈起來思念夢中貼
suî-tsāi lí hôo khí-lâi su-liām bāng-tiong tah
人生啊
jîn-sing–ah
幸運有恁來做伴
hīng-ūn ū lín lâi tsò-phuānn
才會當了解
tsiah ē-tàng liáu-kái
情愛是啥物件
tsîng-ài sī siánn mi̍h-kiānn
親情友情愛情
tshin-tsîng iú-tsîng ài-tsîng
收成遮爾大
siu-sîng tsiah-nī tuā
無枉費阮人生行這逝
bô óng-huì gún jîn-sing kiânn tsit tsuā
人生啊
jîn-sing–ah
含笑越頭家己看
hâm-tshiò ua̍t-thâu ka-kī khuànn
請接受我
tshiann tsiap-siū guá
九十度的感謝
káu-tsa̍p tōo ê kám-siā
你轉來的時
lí tńg–lâi ê sī
若到遮來
nā kàu tsia lâi
約橋跤
iok kiô-kha
還虧欠你的情債啊
hîng khui-khiàm lí ê tsîng-tsè–ah
千萬著愛
tshian-bān tio̍h-ài
好好仔疼惜家己啊
hó-hó-á thiànn-sioh ka-kī–ah
有り難う
a-lí-gá-tooh
阿娜答
a-ná-tah
