愛著播音員
《愛著播音員》Ài Tio̍h Pòo-im-guân
楊哲Iûnn Tiat
——————————————
收音機
siu-im-ki
播送著你的聲
pòo-sàng tio̍h lí ê siann
阮的心
gún ê sim
迷戀著你的影
bê-luân tio̍h lí ê iánn
明知你是眾人的愛
bîng-tsai lí sī tsiòng-lâng ê ài
偏偏阮愛你在心內
phian-phian gún ài tsāi tī sim-lāi
恬恬聽你
tiām-tiām thiann lí
迷人的歌聲
bê-lâng ê kua-siann
聲聲句句鑽心肝
siann-siann-kù-kù tsǹg sim-kuann
雖然只有聲無看影
sui-jiân tsí-ū siann bô khuànn iánn
阮的心慢慢綴你行
gún ê sim bān-bān tuè lí kiânn
期待著明仔載
kî-thāi tio̍h bîn-á-tsài
仝款的時段
kāng-khuán ê sî-tuānn
才閣佮阮空中來做伴
tsiah-koh kah gún khong-tiong lâi tsuè-phuānn
