可愛的冤仇人
《可愛的冤仇人》Khó-ài ê Uan-siû-lâng
黃妃N̂g Hui
邵大倫Siō Tāi-lûn
——————————————
男)
緣份牽牽一條線
iân-hūn khan-khan tsi̍t-tiâu suànn
命運偷偷來相倚
miā-ūn thau-thau lâi sio-uá
你度合我的空心肝
lí tōo-ha̍p guá ê khang sim-kuann
我度合你的青春夢
guá tōo-ha̍p lí ê tshing-tshun-bāng
女)
緣份牽牽一條線
iân-hūn khan-khan tsi̍t-tiâu suànn
命運偷偷來相倚
miā-ūn thau-thau lâi sio-uá
你做我的幸福夢
lí tsuè guá ê hīng-hok bāng
我做你的痴情人
guá tsuè lí ê tshi-tsîng-lâng
男)
你是我可愛的冤仇人
lí sī guá khó-ài ê uan-siû-lâng
有你的撒嬌才會輕鬆
ū lí ê sai-nai tsiah ē khin-sang
有時陣面腔激規工
ū-sî-tsūn bīn-tshiunn kik kui-kang
有時陣情話做三頓食
ū-sî-tsūn tsîng-uē tsuè sann-tǹg tsia̍h
女)
我是你可愛的冤仇人
guá sī lí khó-ài ê uan-siû-lâng
有你來疼痛就袂怨嘆
ū lí lâi thiànn-thàng tiō buē uàn-thàn
有你來共我惜命命
ū lí lâi kā guá sioh-miā-miā
予人欣羨我
hōo-lâng him-siān guá
怨妒我一世人
uàn-tòo guá tsi̍t-sì-lâng
男)
哈啊~我甘願
ha–ah~ guá kam-guān
女)
哈啊~我情願
ha–ah~ guá tsîng-guān
合)
一生做你
it-sing tsuè lí
上可愛的冤仇人
siōng khó-ài ê uan-siû-lâng
