醉桃花
《醉桃花》Tsuì Thô-hue
黃鳳儀N̂g Hōng-gî
——————————————
孤單又來到
koo-tuann iū lâi-kàu
初戀的酒樓
tshoo-luân ê tsiú-lâu
猶閣遮爾熱鬧
iáu-koh tsiah-nī jia̍t-lāu
看著心動搖
khuànn tio̍h sim tōng-iâu
燒酒斟一甌
sio-tsiú thîn tsi̍t-au
啉予汗那流
lim hōo kuānn ná lâu
何必來為伊懊惱
hô-pit lâi uī i àu-náu
哼~這款較有情調
hngh~ tsit khuán khah ū tsîng-tiāu
世間的奧妙
sè-kan ê ò-miāu
我也聽透透
guá iā thiann thàu-thàu
人生哪著計較
jîn-sing ná-tio̍h kè-kàu
一年一年老
tsi̍t-nî tsi̍t-nî lāu
燒酒閣一甌
sio-tsiú koh tsi̍t-au
趁這陣年少
thàn tsit tsūn liân-siàu
談情已對我無效
tâm tsîng-í tuì guá bô-hāu
這款較有情調
tsit khuán khah ū tsîng-tiāu
↓↓—(口白)—↓↓
啊~自從佮伊分開了後
ah~ tsū-tsiông kah i hun-khui liáu-āu
毋願閣再交
m̄-guān koh-tsài kau
雖然外表看起來遮逍遙
sui-jiân guā-piáu khuànn–khí-lâi tsiah siau-iâu
酒若落喉就想欲吼
tsiú nā lo̍h-âu tō siūnn-beh háu
心頭
sim-thâu…
心頭是
sim-thâu sī…
↑↑—(口白)—↑↑
燒酒再一甌
sio-tsiú tsài tsi̍t-au
當做阮無聊
tòng-tsuè gún bô-liâu
啉予伊茫茫渺渺
lim hōo-i bông-bông-biáu-biáu
這款較有情調
tsit khuán khah ū tsîng-tiāu
