白翎鷥
《白翎鷥》Pe̍h-līng-si
黃品源N̂g Phín-guân
——————————–
毋知影有遮久無想著伊
m̄ tsai-iánn ū tsiah kú bô siūnn-tio̍h i
行到這條斷橋 才知有遮濟年
kiânn kàu tsit tiâu tn̄g-kiô, tsiah tsai ū tsiah tsē nî
樹旋藤 路發草 溪猶有水
tshiū suan-tîn, lōo huat tsháu, khe iáu-ū tsuí
橋頂伊的形影 煞這陣來浮起
kiô-tíng i ê hîng-iánn, suah tsit-tsūn lâi phû khí
我好像彼隻失去愛情的白翎鷥
guá hó-tshiūnn hit-tsiah sit-khì ài-tsîng ê pe̍h-līng-si
後悔無講出彼句話
hiō-hué bô kóng tshut hit kù uē
一直踮雺霧中 飛過來飛過去
it-ti̍t tiàm bông-bū tiong, pue kuè-lâi pue kuè-khì
遮嘛無伊 遐嘛無伊
tsia mā bô i, hia mā bô i
毋知伊敢有和我有仝款的滋味
m̄-tsai i kám ū hām guá ū kāng-khuán ê tsu-bī
假使來 故事對頭重行起
ká-sú lâi, kòo-sū tuì-thâu tîng kiânn khí
我無離開故鄉 你猶佇我身邊
guá bô lī-khui kòo-hiong, lí iáu tī guá sin-pinn
樹的青 路的花 橋跤的水
tshiū ê tshinn, lōo ê hue, kiô-kha ê tsuí
橋頂的我 欲來對你講出我愛你
kiô-tíng ê guá, beh lâi tuì lí kóng tshut guá ài lí
我好像彼隻失去愛情的白翎鷥
guá hó-tshiūnn hit-tsiah sit-khì ài-tsîng ê pe̍h-līng-si
後悔無講出彼句話
hiō-hué bô kóng tshut hit kù uē
一直踮雺霧中 飛過來飛過去
it-ti̍t tiàm bông-bū tiong, pue kuè-lâi, pue kuè-khì
放袂記伊 放伊袂去
pàng buē-kì i, pàng i buē khì
毋知伊敢有和我有仝款的珠淚
m̄-tsai i kám ū hām guá ū kāng-khuán ê tsu-luī
我毋願變做失去愛情的白翎鷥
guá m̄-guān piàn-tsuè sit-khì ài-tsîng ê pe̍h-līng-si
我欲來講出彼句話
guá beh lâi kóng tshut hit kù uē
彼句話吞佇咧心肝頭遮濟年
hit kù uē thun tī-leh sim-kuann-thâu tsiah tsē nî
一句我愛你 兩句我愛你
tsi̍t kù guá ài lí, nn̄g kù guá ài lí
我欲對你講出千千萬萬我愛你
guá beh tuì lí kóng tshut tshian-tshian-bān-bān guá ài lí
一句我愛你 兩句我愛你
tsi̍t kù guá ài lí, nn̄g kù guá ài lí
我欲對你講出千千萬萬我愛你
guá beh tuì lí kóng tshut tshian-tshian-bān-bān guá ài lí
