田庄老阿伯
《田庄老阿伯》Tshân-tsng Lāu A-peh
黃秋田N̂g Tshiu-tiân
莊明珠Tsng Bîng-tsu
——————————————
歲頭食到七十外
hè-thâu tsia̍h kah tshit-tsa̍p guā
在來曷無親像彼號
tsāi-lâi a̍h bô tshin-tshiūnn hit-lō
食老閣青春喔
tsia̍h-lāu koh tshing-tshun–ooh
日黃昏
ji̍t hông-hun
來去田園巡巡看看
lâi-khì tshân-hn̂g sûn-sûn khuànn-khuànn
無張持喔
bô-tiunn-tî–ooh
看著一个小姑娘
khuànn-tio̍h tsi̍t-ê sió-koo-niû
生做親像仙女一樣
sinn-tsuè tshin-tshiūnn sian-lú tsi̍t-iūnn
面肉幼麵麵
bīn-bah iù-mī-mī
啊哎喲喂!
ah ai-iō-uê!
害我無張無持
hāi guá bô-tiunn-bô-tî
煞來跋落去田岸邊
suah lâi pua̍h lo̍h-khì tshân-huānn pinn
食老目睭有較輸喔
tsia̍h-lāu ba̍k-tsiu ū khah-su–ooh
囝囝孫孫一大陣
kiánn-kiánn-sun-sun tsi̍t-tuā-tīn
人人也是知影
lâng-lâng iā-sī tsai-iánn
我有田園規大堆
guá ū tshân-hn̂g kui tuā-tui
啊阮老的
ah gún lāu–ê
耳鉤袚鍊金環
hīnn-kau phua̍h-liān kim-khuân
掛甲規身軀喔
kuà kah kui-sin-khu–ooh
親像一个小姑娘
tshin-tshiūnn tsi̍t-ê sió-koo-niû
無想歲頭食甲遮老
bô siūnn hè-thâu tsia̍h kah tsiah lāu
毋驚笑死人喔
m̄-kiann tshiò sí-lâng–ooh
哎喲喂
ai-iō-uê
害我替伊見笑
hāi guá thè i kiàn-siàu
抹粉點胭脂電頭鬃
buah-hún tiám ian-tsi tiān thâu-tsang
食老顛倒愈?妝喔
tsia̍h-lāu tian-tó jú gâu tsng–ooh
人講你
lâng kóng lí
是毋知機
sī m̄ tsai-ki
你敢毋知今仔日
lí kám m̄-tsai kia̋nn-ji̍t
就是金囝結婚日
tsiū-sī kim-kiánn kiat-hun ji̍t
煞毋知
suah m̄-tsai
這擺初初
tsit-pái tshoo-tshoo
做著一个大家官
tsuè tio̍h tsi̍t-ê ta-ke-kuann
糊裡糊塗就是你
hôo-lí-hôo-tôo tiō-sī lí
一日食飽
tsi̍t-ji̍t tsia̍h-pá
專門出去外面咧風騷
tsuan-mn̂g tshut-khì guā-bīn teh hong-so
啊哎喲喂
ah ai-iō-uê
看你身軀
khuànn lí sin-khu
穿甲彼領破衫褲
tshīng kah hit niá phuà sann-khòo
老毋死
lāu-m̄-sí
食老顛倒起番顛
tsia̍h-lāu tian-tó khí-huan-tian
↓↓—(口白)—↓↓
老的啊
lāu–ê ah
抑無
ia̍h-bô
你毋攏毋捌做著大家
lí m̄ lóng m̄-bat tsò tio̍h ta-ke
你咧慄慄掣
lí teh la̍k-la̍k-tshuah
哼!失禮喔
hngh! sit-lé–ooh
恁祖媽
lín tsóo-má
猶閣老神在在咧
iáu-koh lāu-sîn-tsāi-tsāi–leh
哼!抑無歲頭食到七十外
hngh! ia̍h-bô huè-thâu tsia̍h kàu tshit-tsa̍p guā
猶閣咧點胭脂電頭鬃
iáu-koh teh tiám ian-tsi tiān thâu-tsang
哼!空氣在人激的啦
hngh! khong-khì tsāi-lâng kik–ê lah
你共恁祖媽管甲遐濟
lí kā lín tsóo-má kuán kah hiah tsuē
你會凝袂 哼!
lí ē gîng–buē, hngh!
啊~好矣啦!
ah~ hó–ah lah!
今好矣啦!
tann hó–ah lah!
↑↑—(口白)—↑↑
這个科學的時代
tsit ê kho-ha̍k ê sî-tāi
男女平等
lâm-lū pîng-tíng
自由戀愛
tsū-iû luân-ài
逐家也會知
ta̍k-ke iā ē tsai
老青春
lāu tshing-tshun
?阮彼个老的
tshuā gún hit ê lāu–ê
來去坐飛機喔
lâi-khì tsē hui-ki–ooh
今阮今仔日去遊覽
tann gún kia̋nn-ji̍t khì iû-lám
溫泉北投洗噴
un-tsuânn Pak-tâu sé-phùn
紲去?迌日月潭喔
suà khì tshit-thô Ji̍t-gua̍t-thâm–ooh
哎喲喂
ai-iō-uê
趕緊妝妝
kuánn-kín tsng-tsng
來去?迌淡水河
lâi-khì tshit-thô Tām-tsuí-hô
風景好
hong-kíng hó
快快樂樂過日子
khuài-khuài-lo̍k-lo̍k kè ji̍t-tsí
