新婚夜快車
《新婚夜快車》Sin-hun Iā-khuài-tshia
黃美月N̂g Bí-gua̍t
——————————————
你來看我
lí lâi khuànn guá
我看你
guá khuànn lí
沿路講話笑微微
iân-lōo kóng-uē tshiò bî-bî
新婚夜快車
sin-hun iā-khuài-tshia
蹊蹊硞硞輕鬆快樂
khi-khi kho̍k-kho̍k khin-sang khuài-lo̍k
載阮兩个一直去
tsài gún nn̄g-ê it-ti̍t khì
大埤湖關仔嶺
Tuā-pi-ôo Kuan-á-niá
風景真正媠
hong-kíng tsin-tsiànn suí
因為有你在身邊
in-uī ū lí tsāi sin-pinn
海角天邊也來去
hái-kak thinn-pinn iā lâi-khì
你來叫我
lí lâi kiò guá
我叫你
guá kiò lí
雙人情愛糖蜜甜
siang-lâng tsîng-ài thn̂g-bi̍t-tinn
新婚夜快車
sin-hun iā-khuài-tshia
蹊蹊硞硞輕鬆快樂
khi-khi kho̍k-kho̍k khin-sang khuài-lo̍k
載阮兩个一直去
tsài gún nn̄g-ê it-ti̍t khì
阿里山日月潭
A-lí-san Ji̍t-gua̍t-thâm
風景真正媠
hong-kíng tsin-tsiànn suí
心情歡喜無地比
sim-tsîng huann-hí bô-tè pí
唱出快樂的歌詩
tshiùnn-tshut khuài-lo̍k ê kua-si
你來愛我
lí lâi ài guá
我愛你
guá ài lí
咱是一對好伴侶
lán sī tsi̍t-tuì hó phuānn-lī
新婚夜快車
sin-hun iā-khuài-tshia
蹊蹊硞硞輕鬆快樂
khi-khi kho̍k-kho̍k khin-sang khuài-lo̍k
載阮兩个一直去
tsài gún nn̄g-ê it-ti̍t khì
仙公廟陽明山
Sian-kong-biō Iông-bîng-san
風景真正媠
hong-kíng tsin-tsiànn suí
趁著新婚緊來去
thàn tio̍h sin-hun kín lâi-khì
好好度過好假期
hó-hó tōo-kè hó ká-kî
