可恨的愛人
《可恨的愛人》Khó-hūn ê Ài-jîn
黃俊雄N̂g Tsùn-hiong
——————————————
可恨的愛人
khó-hūn ê ài-jîn
你為何欲離開我
lí uī-hô bueh lī-khui guá
我為你渺渺茫茫
guá uī lí biáu-biáu-bâng-bâng
行無路走入烏暗
kiânn bô-lōo tsáu ji̍p oo-àm
你害我你害我
lí hāi guá lí hāi guá
愛人你害我做鱸鰻
ài-jîn lí hāi guá tsuè lôo-muâ
可恨的愛人
khó-hūn ê ài-jîn
你為何欲欺騙我
lí uī-hô bueh khi-phiàn guá
我為你帶刀生活
guá uī lí tuà to sing-ua̍h
在苦海揣無伴
tsāi khóo-hái tshuē-bô phuānn
來救我來救我
lâi kiù guá lâi kiù guá
愛人來救我上海岸
ài-jîn lâi kiù guá tsiūnn hái-huānn
可恨的愛人
khó-hūn ê ài-jîn
希望你來安慰我
hi-bāng lí lâi an-uì guá
我一粒溫暖心肝
guá tsi̍t-lia̍p un-luán sim-kuann
為了你變成冰山
uī liáu lí piàn-sîng ping-suann
安慰我安慰我
an-uì guá an-uì guá
愛人緊轉來安慰我
ài-jîn kín tńg-lâi an-uì guá