阿母的飯坩
《阿母的飯坩》A-bú ê Pn̄g-khann
黑手那卡西工人樂隊Oo-tshiú Na-gá-sih Ga̍k-tuì
——————————————
阿母的飯坩
a-bú ê pn̄g-khann
猶原囥佇咧桌頂
iu-guân khǹg tī-teh toh-tíng
清芳的飯芳
tshing-phang ê pn̄g phang
引動著我的腹腸
ín-tāng tio̍h guá ê pak-tn̂g
手攑著飯匙
tshiú gia̍h tio̍h pn̄g-sî
看咧飯坩內
khuànn teh pn̄g-khann lāi
我的目屎
guá ê ba̍k-sái
一滴一滴滴落來
tsi̍t-tih tsi̍t-tih tih lo̍h-lâi
↓↓(口白)—(口白)—(口白)↓↓
啊!到底是按怎
ah! tàu-té sī-án-tsuánn
遮爾簡單的代誌
tsiah-nī kán-tan ê tāi-tsì
我哪會做袂來
guá ná ē tsò bē lâi
是為怎樣啊
sī uī tsuánn-iūnn–ah
阿母的飯坩
a-bú ê pn̄g-khann
一直佮我走相逐
it-ti̍t kah guá tsáu-sio-jiok
毋是我貧惰
m̄-sī guá pîn-tuānn
是我無手鬥相共
sī guá bô tshiú tàu-sann-kāng
啊!從今以後欲按怎
ah! tsiông-kim í-āu beh án-tsuánn
這敢是咱以後的運命
tse kám-sī lán í-āu ê ūn-miā
↑↑(口白)—(口白)—(口白)↑↑
阿母的飯坩
a-bú ê pn̄g-khann
猶原囥佇咧桌頂
iu-guân khǹg tī-teh toh-tíng
清芳的飯芳
tshing-phang ê pn̄g phang
引動著我的腹腸
ín-tāng tio̍h guá ê pak-tn̂g
手攑著飯匙
tshiú gia̍h tio̍h pn̄g-sî
看咧飯坩內
khuànn teh pn̄g-khann lāi
我的目屎
guá ê ba̍k-sái
一滴一滴
tsi̍t-tih tsi̍t-tih
滴落來
tih lo̍h-lâi
