命運綴咱行
《命運綴咱行》Miā-un Tuè Lán Kiânn
黃鐙輝N̂g Tìng-hui
——————————————
我的春天猶未來
guá ê tshun-thinn iáu-buē lâi
冬天閣過一擺
tang-thinn koh kuè tsi̍t-pái
敢講幸福的所在
kám-kóng hīng-hok ê sóo-tsāi
佮我佇無仝的世界
kah guá tī bô-kāng ê sè-kài
我的未來佇佗位
guá ê bī-lâi tī tó-uī
啥物是成功的滋味
siánn-mih sī sîng-kong ê tsu-bī
美夢雄雄予人來拍醒
bí-bāng hiông-hiông hōo-lâng lâi phah-tshínn
叫我後世人
kiò guá āu-sì-lâng
愛會記得咬金湯匙
ài ē-kì-eh kā kim-thng-sî
毋通靠運命
m̄-thang khò ūn-miā
命攏是綴咱行
miā lóng-sī tuè lán kiânn
人生的每一步
jîn-sing ê muí tsi̍t-pōo
攏是咱家己踏
lóng-sī lán ka-kī ta̍h
毋通怨運命
m̄-thang uàn ūn-miā
運只是綴咱行
ūn tsí-sī tuè lán kiânn
人生的火車頭
jîn-sing ê hué-tshia-thâu
方向是咱咧扞
hong-hiòng sī lán leh huānn
算天算地算八字
sǹg-thinn sǹg-tē sǹg pueh-jī
算無家己的無知
sǹg bô ka-kī ê bû-ti
改運改名改風水
kái-ūn kái-miâ kái hong-suí
不如改變我家己
put-jû kái-piàn guá ka-kī
