靠站
《靠站》Khò-tsām
陳雷 Tân Luî
——————————————
坐著最後這幫夜快車
tsē tio̍h tsuè-āu tsit pang iā-khuài-tshia
無奈心情綴車行
bô-nāi sim-tsîng tuè tshia kiânn
車站一站叫一聲
tshia-tsām tsi̍t tsām kiò tsi̍t siann
毋敢越頭叫你的名
m̄-kánn ua̍t-thâu kiò lí ê miâ
希望會當
hi-bāng ē-tàng
揣著理想的車站
tshuē-tio̍h lí-sióng ê tshia-tsām
好好靠站過一暗
hó-hó khò-tsām kuè tsi̍t àm
明日若醒來
bin-ji̍t nā tshínn–lâi
飄撇笑容隨風送
phiau-phiat tshiò-iông suî hong sàng
一聲再會無緣的人
tsi̍t siann tsài-huē bô-iân ê lâng
妝甲媠媠欲嫁別人
tsng kah suí-suí beh kè pa̍t-lâng
啊~妝甲媠媠啊嫁別人
ah~ tsng kah suí-suí–ah, kè pa̍t-lâng
(心愛的欲嫁別人)
(sim-ài–ê beh kè pa̍t-lâng )
