細漢的我
《細漢的我》Sè-hàn ê Guá
陳雷Tân Luî
——————————————
細漢時彼个我
sè-hàn sî hit ê guá
戇戇仔啥物攏毋驚
gōng-gōng-á siánn-mih lóng m̄-kiann
騎著我的跤踏車
khiâ tio̍h guá ê kha-ta̍h-tshia
講欲去臺北拍拚
kóng beh khì Tâi-pak phah-piànn
離開故鄉的我
lī-khui kòo-hiong ê guá
阿母的交代我有聽
a-bú ê kau-tài guá ū thiann
若是欲成功
nā-sī beh sîng-kong
家己的路就家己行
ka-kī ê lōo tiō ka-kī kiânn
雖然細漢時的彼个我
sui-jiân sè-hàn sî ê hit ê guá
變成大漢時的這个我
piàn-sîng tuā-hàn sî ê tsit ê guá
但是我的理想心願
tān-sī guá ê lí-sióng sim-guān
攏佇遮
lóng tī tsia
喔~人生的路
ooh~ jîn-sing ê lōo
都行到一半
to kiânn kàu tsi̍t-puànn
往事一幕一幕
óng-sū tsi̍t-bōo-tsi̍t-bōo
像電影
tshiūnn tiān-iánn
等到成功的彼一工
tán-kàu sîng-kong ê hit-tsi̍t-kang
我會轉來故鄉
guá ē tńg-lâi kòo-hiong
予阿母看
hōo a-bú khuànn
