燒酒芳
《燒酒芳》Sio-tsiú Phang
陳雷Tân Luî
——————————————
杯底啊空啊
pue-té–ah khang–ah
情啊空
tsîng–ah khang
做苦工啊
tsuè khóo-kang–ah
無夠阮一人來茫
bô-kàu gún tsi̍t-lâng lâi bâng
怎樣飼別人啊
tsuánn-iūnn tshī pa̍t-lâng–ah
飼別人
tshī pa̍t-lâng
有人講
ū-lâng kóng
阮身軀全酒蟲
gún sin-khu tsuân tsiú-thâng
時常啊
sî-siông–ah
褲底啊空空空
khòo-té–ah kha̋ng-khang-khang
等甲醉甲毋知人
tán kah tsuì kah m̄-tsai-lâng
清醒才來喝救人
tshing-tshínn tsiah lâi huah kiù-lâng
心愛的講欲去嫁別人
sim-ài–ê kóng beh khì kè pa̍t-lâng
害我一粒頭閣兩粒重
hāi guá tsi̍t-lia̍p thâu koh nn̄g-lia̍p tāng
女人是遮媠
lú-jîn sī tsiah suí
燒酒是遮芳
sio-tsiú sī tsiah phang
叫阮是欲選佗一項
kiò gún sī beh suán tó tsi̍t-hāng
