朋友
《朋友》Pîng-iú
陳雷Tân Luî
—————————-
有啥人會當了解
ū siánn-lâng ē-tàng liáu-kái
漂泊的人孤單的生涯
phiau-phik ê lâng koo-tuann ê sing-gâi
人生路坎坷歹行
jîn-sing lōo khám-khia̍t pháinn-kiânn
一步一步向前行
tsi̍t-pōo-tsi̍t-pōo hiòng-tsiân kiânn
一杯酒一首情歌
tsi̍t-pue tsiú, tsi̍t-siú tsîng-kua
啉予茫茫
lim hōo bâng-bâng
大聲來唱歌
tuā-siann lâi tshiùnn-kua
人情薄 若親像紙
jîn-tsîng po̍h, ná-tshin-tshiūnn tsuá
成功失敗 定輸贏
sîng-kong sit-pāi, tīng su-iânn
朋友酒酒酒閣一杯
pîng-iú tsiú, tsiú, tsiú, koh tsi̍t-pue
爽快啉予焦
sóng-khuài lim hōo ta
三分醉意唱歌上好聽
sann-hun tsuì-ì tshiùnn-kua siōng hó thiann
朋友來來來來
pîng-iú lâi, lâi, lâi, lâi
咱鬥陣向前行
lán tàu-tīn hiòng-tsiân kiânn
互相鼓勵免驚惶
hōo-siong kóo-lē bián kiann-hiânn
展笑容 勝敗平常
tián tshiò-iông, sìng-pāi pîng-siông
提出勇氣 向前衝
the̍h-tshut ióng-khì, hiòng-tsiân tshiong
