有影無
《有影無》Ū-iánn Bô
陳雷 Tân Luî
——————————-
有人講
ū-lâng kóng
看著你彼日散步淡水河
khuànn tio̍h lí hit ji̍t sàn-pōo Tām-tsuí-hô
身邊的彼个人
sin-pinn ê hit-ê lâng
是一个大帥哥
sī tsi̍t-ê Ta-Suai-Ko
一時雄雄忽然間
tsi̍t-sî hiông-hiông hut-jiân-kan
我毋知欲如何
guá m̄-tsai beh jû-hô
想欲問你
siūnn beh mn̄g lí
有影無
ū-iánn bô
你講無這回事
lí kóng bô tsit-huê-sū
是我咧烏白想
sī guá leh oo-pe̍h siūnn
你講伊只是一个普通的朋友
lí kóng i tsí-sī tsi̍t-ê phóo-thong ê pîng-iú
這个理由遮勉強
tsit-ê lí-iû tsiah bián-kióng
我也猶原激戇戇
guá iā iu-guân kik-gōng-gōng
你若欲佮我扯
lí nā beh kah guá tshé
我袂閣再囉嗦
guá bē koh-tsài lo-so
有影無 有影無
ū-iánn bô, ū-iánn bô
