平凡英雄
《平凡英雄》Pîng-huân Ing-hiông
陳雷Tân Luî
——————————————
有啥物通好袂爽
ū siánn-mih thang-hó buē sóng
有啥物通好掠狂
ū siánn-mih thang-hó lia̍h-kông
何必來賭氣衝碰
hô-pit lâi tóo-khì tshóng-pōng
若脫箠才反悔
nā thut-tshuê tsiah huán-hué
無路用
bô-lōo-iōng
有啥物通好悲傷
ū siánn-mih thang-hó pi-siong
有啥物通好絕望
ū siánn-mih thang-hó tsua̍t-bōng
人生的變化無常
jîn-sing ê piàn-huà bû-siông
何必計較勝敗論英雄
hô-pit kè-kàu sìng-pāi lūn ing-hiông
苦苦的
khóo-khóo ê
苦苦的人生
khóo-khóo ê jîn-sing
已經遮爾厚風霜
í-king tsiah-nī kāu hong-song
海海矣海海矣
hái-hái–ah hái-hái–ah
心情放鬆
sim-tsîng pàng-sang
來去吹春風
lâi-khì tshue tshun-hong
啊~無煩無惱
ah~ bô-huân-bô-ló
無憂無愁
bô-iu-bô-tshiû
做一个平凡英雄
tsuè tsi̍t-ê pîng-huân ing-hiông
漂撇過一生
phiau-phiat kuè it-sing
漂撇過一生
phiau-phiat kuè it-sing
生活攏有笑容
sing-ua̍h lóng ū tshiò-iông
