南部人
《南部人》Lâm-pōo-lâng
陳雷Tân Luî
——————————————
我是出外的南部人
guá sī tshut-guā ê Lâm-pōo-lâng
來到他鄉暫時來做工
lâi-kàu thann-hiong tsiām-sî lâi tsuè-kang
為著將來有所望
uī-tio̍h tsiong-lâi iú-sóo-bāng
忍耐著做這項
jím-nāi tio̍h tsuè tsit hāng
雖然艱苦
sui-jiân kan-khóo
心情也輕鬆
sim-tsîng iā khin-sang
南部的人
Lâm-pōo ê lâng
南部的人
Lâm-pōo ê lâng
為愛互相來疼痛
uī ài hōo-siong lâi thiànn-thàng
毋管是三年五冬
m̄-kuán sī sann-nî gōo-tang
一定會照咱希望
it-tīng ē tsiàu lán hi-bāng
總是也有出頭的一工
tsóng-sī iā ū tshut-thâu ê tsi̍t-kang
我是出外的南部人
guá sī tshut-guā ê Lâm-pōo-lâng
離開故鄉
lī-khui kòo-hiong
無奈的苦痛
bô-nāi ê khóo-thàng
為著將來的美夢
uī-tio̍h tsiong-lâi ê bí-bāng
暫時來做這項
tsiām-sî lâi tsuè tsit hāng
雖然袂當照阮的希望
sui-jiân buē-tàng tsiàu gún ê hi-bāng
心愛的人
sim-ài ê lâng
心愛的人
sim-ài ê lâng
請你信賴阮一人
tshiánn lí sìn-lāi gún tsi̍t-lâng
毋管是三年五冬
m̄-kuán sī sann-nî gōo-tang
一定袂予你失望
it-tīng buē hōo lí sit-bāng
總是也有成功的一工
tsóng-sī iā ū sîng-kong ê tsi̍t-kang
