日日春日日圓
《日日春日日圓》Ji̍t-ji̍t Tshun Ji̍t-ji̍t Înn
陳雷Tân Luî
——————————————
來來來
lâi lâi lâi
朋友我敬你
pîng-iú guá kìng lí
祝你成功趁大錢
tsiok lí sîng-kong thàn-tuā-tsînn
做陣來跳赤赤赤
tsuè-tīn lâi thiàu tshiah-tshiah-tshiah
只要咱歡喜
tsí-iàu lán huann-hí
盈暗所有煩惱囥一邊
îng-àm sóo-ū huân-ló khǹg tsi̍t-pinn
斟斟斟
thîn thîn thîn
燒酒斟予滇喔
sio-tsiú thîn hōo tīnn–ooh
有緣你我做知己
ū-iân lí guá tsuè ti-kí
年年有賰年年圓
nî-nî ū tshun nî-nî înn
鬧熱規厝邊
lāu-jia̍t kui tshù-pinn
只要咱用心
tsí-iàu lán iōng-sim
萬事就會順利
bān-sū tō ē sūn-lī
啊~失志失志免掛心
ah~ sit-tsì sit-tsì bián khuà-sim
厭氣厭氣無意義
iàn-khì iàn-khì bô ì-gī
人生難免有風湧啊
jîn-sing lân-bián ū hong-íng–ah
認真拍拚為前程啊
jīn-tsin phah-piànn uī tsiân-tîng–ah
命好啊毋驚運來磨
miā hó–ah m̄-kiann ūn lâi buâ
今夜咱歡喜做酒伴
kim-iā lán huann-hí tsuè tsiú-phuānn
