拍斷喙齒含血吞
《拍斷喙齒含血吞》Phah-tn̄g Tshuì-khí Kâm-hueh Thun
陳雷Tân Luî
——————————————
天是我的窗門
thinn sī guá ê thang-mn̂g
地是我的眠床
tē sī guá ê bîn-tshn̂g
忍耐心酸
jím-nāi sim-sng
哪通予命運咧拍算
ná thang hōo miā-ūn teh phah-sǹg
甘願冒險失敗時陣
kam-guān mōo-hiám sit-pāi sî-tsūn
啊~毋願有身無靈魂
ah~ m̄-guān ū sin bô lîng-hûn
天氣絕對
thinn-khì tsua̍t-tuì
無永遠咧罩烏雲
bô íng-uán teh tà oo-hûn
毋驚冷風霜雨鑽
m̄-kiann líng-hong sng-hōo tsǹg
毋驚坎坷路途遠
m̄-kiann khám-khia̍t lōo-tôo hn̄g
哪通予人笑我軟
ná thang hōo-lâng tshiò guá nńg
毋驚身軀全傷痕
m̄-kiann sin-khu tsuân siong-hûn
毋驚困難阻擋阮
m̄-kiann khùn-lân tsóo-tòng gún
勇敢向前無歇睏
ióng-kám hiòng-tsîng bô hioh-khùn
我拍斷喙齒啊含血吞
guá phah-tn̄g tshuì-khí–ah kâm-huih thun
