小卒的心聲
《小卒的心聲》Sió-tsut ê Sim-siann
陳雷Tân Luî
——————————————
跤步踏差啥人無
kha-pōo ta̍h-tsha siánn-lâng bô
上驚一錯閣再錯
siōng kiann it tshò koh-tsài tshò
若有勇氣來改過
nā ū ióng-khì lâi kái-kò
東山啊再起免驚無
tong-san–ah tsài-khí bián-kiann bô
人生啊人生
jîn-sing–ah jîn-sing
啥人無風波
siánn-lâng bô hong-pho
人生啊人生
jîn-sing–ah jîn-sing
親像心中鎖
tshin-tshiūnn sim-tiong só
毋通閣心慒慒
m̄-thang koh sim tso-tso
毋通閣來煩惱
m̄-thang koh lâi huân-ló
烏卒仔有時嘛會過河
oo tsut-á ū-sî mā ē kuè hô
一步一步閣一步
tsi̍t-pōo tsi̍t-pōo koh tsi̍t-pōo
毋驚千里的路途
m̄-kiann tshian-lí ê lōo-tôo
啊～總是一枝草一點露
ah~ tsóng-sī tsi̍t-ki tsháu tsi̍t-tiám lōo
