何時才會看破
《何時才會看破》Hô-sî Tsiah Ē Khuànn-phuà
陳雷Tân Luî
——————————————
冷冷的路燈光線
líng-líng ê lōo-ting kng-suànn
規暝佮我相對看
kui-mî kah guá sio tuì-khuànn
親像看透我心肝
tshin-tshiūnn khuànn-thàu guá sim-kuann
親像叫我著看破
tshin-tshiūnn kiò guá tio̍h khuànn-phuà
只怪月老的紅線
tsí kuài Gua̍t-nóo ê âng-suànn
無將咱來結做伴
bô tsiong lán lâi kat tsuè-phuānn
啊~痴情的人是我
ah~ tshi-tsîng ê lâng sī guá
受傷害的人也是我
siū siong-hāi ê lâng iā-sī guá
假使立場若相對換
khá-sú li̍p-tiûnn nā sio-tuì-uānn
時到你也是
sî kàu lí iā-sī
心疼像刀割
sim thiànn tshiūnn to kuah
啊~愛也拖磨
ah~ ài iā thua-buâ
恨也拖磨
hūn iā thua-buâ
何時何時
hô-sî hô-sî
才會看破
tsiah ē khuànn-phuà
