茫渺情
《茫渺情》Bông-biáu Tsîng
陳盈潔Tân Îng-kiat
——————————————
阮的心內落大雨
gún ê sim-lāi lo̍h tuā-hōo
阮的表情是痛苦
gún ê piáu-tsîng sī thòng-khóo
電話中你看攏無
tiān-uē tiong lí khuànn lóng bô
聲聲句句為阮好
siann-siann-kù-kù uī gún hó
感情世界一條路
kám-tsîng sè-kài tsi̍t-tiâu lōo
反面無常半中途
huán-bīn bû-siông puànn tiong-tôo
如今何必怨當初
jû-kim hô-pit uàn tong-tshoo
啥人清楚啥人糊塗
siánn-lâng tshing-tshóo siánn-lâng hôo-tôo
淡退了水粉胭脂
tām thè liáu tsuí-hún ian-tsi
攏是為著你
lóng-sī uī-tio̍h lí
心甘情願
sim kam tsîng guān
伴著寂寞規暝
phuānn tio̍h tsi̍k-bo̍k kui-mî
啥人知影
siánn-lâng tsai-iánn
多情害著自己
to-tsîng hāi-tio̍h tsū-kí
過著阮一生
kè tio̍h gún it-sing
最艱苦的日子
tsuè kan-khóo ê ji̍t-tsí
當做是阮求你
tòng-tsuè sī gún kiû lí
將一切放予去
tsiong it-tshè pàng hōo khì
莫閣在電話中愛阮
mài koh tsāi tiān-uē tiong ài gún
孤單的半暝
koo-tuann ê puànn-mî
