紅塵夢
《紅塵夢》Hông-tîn-bāng
陳盈潔 Tân Îng-kiat
——————————————
毋知是過去光陰
m̄-tsai sī kuè-khì kong-im
一去無回頭
it khì bô huê-thâu
或者是阮的青春
hi̍k-tsiá sī gún ê tshing-tshun
故意放水流
kòo-ì pàng tsuí lâu
毋免來同情
m̄-bián lâi tông-tsîng
也毋免來了解
iā m̄-bián lâi liáu-kái
生活自己有安排
sing-ua̍h tsū-kí ū an-pâi
雖然是親像流星
sui-jiân sī tshin-tshiūnn liû-tshinn
閃爍的紅塵夢
siám-sih ê hông-tîn-bāng
阮也知一切
gún iā tsai it-tshè
到尾會來變成空
kàu-bué ē lâi piàn-sîng khang
小小的期待
sió-sió ê kî-thāi
佮夢中的未來
kah bāng-tiong ê bī-lâi
總是踮在心肝內
tsóng-sī tiàm-tsāi sim-kuann-lāi
燒酒一杯閣一杯
sio-tsiú tsi̍t-pue koh tsi̍t-pue
吞落喉
thun lo̍h-âu
目屎也滴落心肝頭
ba̍k-sái iā tih lo̍h sim-kuann-thâu
毋敢對你講出
m̄-kánn tuì lí kóng tshut
阮的悲哀
gún ê pi-ai
怎樣的心情
tsuánn-iūnn ê sim-tsîng
你敢知
lí kám tsai
世間是一片雲煙
sè-kan sī it-phiàn hûn-ian
茫茫的大海
bâng-bâng ê tuā-hái
我親像船隻
guá tshin-tshiūnn tsûn-tsiah
行往過去又過來
kiânn óng kuè-khì iū kuè-lâi
毋免來同情
m̄-bián lâi tông-tsîng
也毋免來了解
iā m̄-bián lâi liáu-kái
生活自己有安排
sing-ua̍h tsū-kí ū an-pâi
