請你想看覓
《請你想看覓》Tshiánn Lí Siūnn Khuànn-māi
陳盈潔Tân Îng-kiat
——————————————
請你閣再想看覓
tshiánn lí koh-tsài siūnn khuànn-māi
啊~這款對阮不應該
ah~ tsit khuán tuì gún put ìng-kai
怎樣你來僥心情變歹
tsuánn-iūnn lí lâi hiau-sim tsîng piàn pháinn
我只有忍著滿腹的悲哀
guá tsí-ū jím tio̍h muá-pak ê pi-ai
彼當時
hit-tong-sî
咱雙人情甘蜜甜
lán siang-lâng tsîng-kam bi̍t-tinn
無疑誤
bô-gî-gōo
今日煞來拆分開
kim-ji̍t suah lâi thiah hun-khui
若是來看著
nā-sī lâi khuànn-tio̍h
別人成雙對
pa̍t-lâng sîng-siang-tuì
害阮心酸
hāi gún sim-sng
目屎成雙垂
ba̍k-sái sîng-siang-suî
每日等待閣等待
muí-ji̍t tán-thāi koh tán-thāi
啊~等你早日倒轉來
ah~ tán lí tsá-ji̍t tò-tńg–lâi
你若袂當回心佮轉意
lí nā buē-tàng huê-sim kah tsuán-ì
我甘願來
guá kam-guān lâi
看破對你痴情的愛
khuànn-phuà tuì lí tshi-tsîng ê ài
