真心無人疼
《真心無人疼》Tsin-sim Bô-lâng Thiànn
陳淑萍Tân Siok-phîng
——————————————
你講阮是你心肝
lí kóng gún sī lí sim-kuann
對阮疼痛惜命命
tuì gún thiànn-thàng sioh-miā-miā
無論秋冬抑是春夏
bô-lūn tshiu-tang ia̍h-sī tshun-hā
永遠愛阮袂變卦
íng-uán ài gún buē piàn-kuà
如今愛情起變化
jû-kim ài-tsîng khí piàn-huà
甜蜜咒誓賰心疼
tinn-bi̍t tsiù-tsuā tshun sim-thiànn
猶原愛你
iu-guân ài lí
你無愛我
lí bô-ài guá
鴛鴦美夢
uan-iunn bí-bāng
只賰孤單
tsí tshun koo-tuann
真心無人疼
tsin-sim bô-lâng thiànn
情路孤單行
tsîng-lōo koo-tuann kiânn
你無情無義
lí bô-tsîng bô-gī
雄心鑿著阮的心肝
hiông-sim tsha̍k tio̍h gún ê sim-kuann
感情債遮拖磨
kám-tsîng-tsè tsiah thua-buâ
心內若像崩山
sim-lāi ná-tshiūnn pang-suann
真心無人疼
tsin-sim bô-lâng thiànn
情路孤單行
tsîng-lōo koo-tuann kiânn
阮較想較疼
gún khah siūnn khah thiànn
也是一喙啉予乾
iā-sī tsi̍t-tshuì lim hōo kan
是折磨是註定
sī tsiat-buâ sī tsù-tiānn
坎坷運命
khám-khia̍t ūn-miā
揣無靠岸
tshuē-bô khò-huānn
