黃昏的船頭岸
《黃昏的船頭岸》Hông-hun ê Tsûn-thâu-huānn
陳芬蘭Tân Hun-lân
——————————————
行落山跤看見海岸
kiânn lo̍h suann-kha khuànn-kìnn hái-huānn
一隻渡船欲開去
tsi̍t-tsiah tōo-tsûn beh khui–khì
黃昏水影紅記記
hông-hun tsuí-iánn âng-kì-kì
親像彼當時
tshin-tshiūnn hit-tang-sî
來送著心愛的阮的哥哥
lâi sàng tio̍h sim-ài ê gún ê ko–koh
踮船上一直搖手
tiàm tsûn-siōng it-ti̍t iô-tshiú
對阮笑微微
tuì gún tshiò bî-bî
今仔日又閣想起彼時
kia̋nn-ji̍t iū-koh siūnn-khí hit-sî
走來船頭岸墘
tsáu lâi tsûn-thâu huānn-kînn
毋願一生踮在島上
m̄-guān it-sing tiàm-tsāi tó-siōng
決意離開到都市
kuat-ì lī-khui kàu too-tshī
賭著男子的意志
tóo tio̍h lâm-tsú ê ì-tsì
拍拚去趁錢
phah-piànn khì thàn-tsînn
彼一个心愛的阮的哥哥
hit tsi̍t-ê sim-ài ê gún ê ko–koh
踮異鄉到底毋知
tiàm ī-hiong tàu-tué m̄-tsai
怎樣過日子
tsánn-iūnn kè ji̍t-tsí
暝日思念心緒空虛
mî-ji̍t su-liām sim-sū khang-hi
走來船頭岸邊
tsáu lâi tsûn-thâu huānn-pinn
看見渡船已經開去
khuànn-kìnn tōo-tsûn í-king khui–khì
難忘情景引酸悲
lân-bōng tsîng-kíng ín sng-pi
天暗四邊愈稀微
thinn àm sì-pinn jú hi-bî
留戀無了時
liû-luân bô-liáu-sî
祈禱著心愛的阮的哥哥
kî-tó tio̍h sim-ài ê gún ê ko–koh
早一日達成心願
tsá tsi̍t-ji̍t ta̍t-sîng sim-guān
回轉來鄉里
huê-tńg-lâi hiong-lí
望月踏影
bāng ge̍h ta̍h iánn
心情綿綿
sim-tsîng mî-mî
離開船頭岸邊
lī-khui tsûn-thâu huānn-pinn
