純情花
《純情花》Sûn-tsîng Hue
陳芬蘭Tân Hun-lân
——————————————
想欲倒在你的懷抱
siūnn-beh tó tsāi lí ê huâi-phāu
盡情來痛哭
tsīn-tsîng lâi thàng-khàu
賭性命的戀情
tóo sìnn-miā ê luân-tsîng
希望好到老
hi-bāng hó kàu lāu
可比多情花一蕊
khó-pí to-tsîng-hue tsi̍t-luí
開花季節雖然到
khui-hue kuì-tseh sui-jiân kàu
蝴蝶無來毋願開
ôo-tia̍p bô lâi m̄-guān khui
一直咧等候
it-ti̍t teh tán-hāu
為何這款少女心情
uī-hô tsit khuán siàu-lú sim-tsîng
你攏全毋知
lí lóng tsuân m̄-tsai
抱意志的情愛
phāu ì-tsì ê tsîng-ài
誠心咧對待
sîng-sim teh tuì-thāi
可比多情花一蕊
khó-pí to-tsîng-hue tsi̍t-luí
風吹雨沃也原在
hong tshue hōo ak iā guân-tsāi
專情等待蝴蝶來
tsuan-tsîng tán-thāi ôo-tia̍p lâi
笑笑予伊採
tshiò-tshiò hōo i tshái
初次Kiss甜蜜滋味
tshoo-tshù Kiss tinn-bi̍t tsu-bī
永遠難袂記
íng-uán lân buē-kì
在夢中也想你
tsāi bāng-tiong iā siūnn lí
真情的女兒
tsin-tsîng ê lú-jî
可比多情花一蕊
khó-pí to-tsîng-hue tsi̍t-luí
望人共伊惜花枝
bāng lâng kā-i sioh hue-ki
祈禱幸福暗歡喜
kî-tó hīng-hok àm huann-hí
月娘鬥保庇
ge̍h-niû tàu pó-pì
