異鄉的旅客
《異鄉的旅客》Ī-hiong ê Lú-kheh
陳芬蘭Tân Hun-lân
——————————————
抱著酸苦的心情
phāu tio̍h sng-khóo ê sim-tsîng
來離開故鄉
lâi lī-khui kòo-hiong
沿路總是毋願露出
iân-lōo tsóng-sī m̄-guān lōo-tshut
暗淡的愁容
àm-tām ê tshiû-iông
柴油快車的內面
tshâ-iû khuài-tshia ê lāi-bīn
設備座坐真向陽
siat-pī tsō-tsē tsin hiòng-iông
紅男綠女滿滿是
hông-lâm li̍k-lú muá-muá-sī
交頭接耳心樂暢
kau-thiô tsiap-ní sim lo̍k-thiòng
只有阮一个
tsí-ū gún tsi̍t-ê
啊~心內悲傷
ah~ sim-lāi pi-siong
車入深坑走山崙
tshia ji̍p tshim-khinn tsáu suann-lūn
又來走海墘
iū lâi tsáu hái-kînn
窗外風景真正清幽
thang-guā hong-kíng tsin-tsiànn tshing-iu
色彩掩人愁
sik-tshái am lâng tshiû
柴油快車咧叫阮
tshâ-iû khuài-tshia teh kiò gún
向著前程一直去
hiòng tio̍h tsiân-tîng it-ti̍t khì
外面鳥隻輕飄弄
guā-bīn tsiáu-tsiah khin phiau-lāng
也鳴歌聲動人心
iā bîng kua-siann tōng lâng sim
只有阮一个
tsí-ū gún tsi̍t-ê
啊~心頭空虛
ah~ sim-thâu khang-hi
日落黃昏天漸暗
ji̍t lo̍h hông-hun thinn tsiām àm
清風吹入窗
tshing-hong tshue ji̍p thang
看見燈光閃來閃去
khuànn-kìnn ting-kng siám lâi siám khì
親像煙花窗
tshin-tshiūnn ian-hue thang
柴油快車真響亮
tshâ-iû khuài-tshia tsin hiáng-liāng
載著幸福佮希望
tsài tio̍h hīng-hok kah hi-bāng
逐家宛然坐搖籃
ta̍k-ke uán-jiân tsē iô-nâ
搖來搖去真輕鬆
iô lâi iô khì tsin khin-sang
只有阮一个
tsí-ū gún tsi̍t-ê
啊~心情沉重
ah~ sim-tsîng tîm-tāng
