男人的肩胛
《男人的肩胛》Lâm-jîn ê King-kah
陳隨意Tân Suî-ì
——————————————
夢中一个聲
bāng-tiong tsi̍t-ê siann
不時叫我的名
put-sî kiò guá ê miâ
叫我閣較艱苦嘛著行
kiò guá koh-khah kan-khóo mā tio̍h kiânn
冬天的菅芒花
tang-thinn ê kuann-bâng-hue
毋願來凋謝
m̄-guān lâi tiau-siā
提醒了解堅強的性命
thê-tshínn liáu-kái kian-kiông ê sìnn-miā
一齣戲好歹隨人搬
tsi̍t-tshut hì hó-phái suî lâng puann
人生路靠家己拚輸贏
jîn-sing lōo khò ka-tī piànn-su-iânn
親情是割袂斷的牽掛
tshin-tsîng sī kuah buē tn̄g ê khian-kuà
一生付出無條件
it-sing hù-tshut bô tiâu-kiānn
男人的肩胛親像山
lâm-jîn ê king-kah tshin-tshiūnn suann
會堪日曝雨淋受風寒
ē-kham ji̍t pha̍k hōo lâm siū hong-kuânn
男人的肩胛
lâm-jîn ê king-kah
有時會酸軟疼
ū-sî ē sng-nńg thiànn
一切委屈
it-tshè uí-khut
只有囥心肝
tsí-ū khǹg sim-kuann
